افكر في حبيبي الاول رغم ارتباطي باخر

اناانسانةعايزة احكي حكايتي لو تسمحولي بس عايزةكل الي يشوف قصتي يتعاطف معايا انا بنت سني 16سنة بس بجد انا كنت اول مرة احب بجد حبيت واحد سنة من سني وهو برضوا حبني زي مانا حبيتو في يوم عيد الحب الي فات داة جبتلو هدايا متتوصفش وعجبتو جدا وجابلي بردوا هدايا قصادها وكتبلي فيها جواب وعرفني فية انو بيحبني المهم هو طلب مني رقم تليفني انا في الاول رفضت بس بعد كدة عططهولوا وكلمتو وكنت سعيدة جدا وانا معاة كنت واقفة في سوبر ماركت تبع عمي وهو كان في المحل تبعة كان حاكي لاخوة الي اكبر منة وانا كنت حاكية لاهلي وكنت قايلة لولدتي اني بحبة قوي وكان دايما بيسمعني اغاني رومانسية زي اغنية سمسم شهاب حبي ليك وانا كنت بشغلو سوما لوحدك حبيبي لوحدك كانت اسعد ايامي معاة بس للاسف انا معرفتش احافظ علية سالت مدرستي ان الي بعملة داة صح ام لا قالت لي اني اعطي لة هدايتة واقول لة انا هستناك لما تاتي وتطلبني من اهلي وياريتني ما سمعت كلامها دمرتلي حياتي انا مكنتش بطلب من ربنا سواه هو تركني ودلوقت نفسي ارجعلة بس للاسف معدش ينفع انا دخل حياتي انسان اخر والانسان داه بيحبني جدا وهو محترم جدا ولو طلبت منة اي شئ يعملهولي بس انا مش عارفة انسي الاول داة كل مبسمع اغنية بتفكرني بية وبشوفوا في المدرسة كتير انا اعمل اية انا بس مش عايزة اجرح التاني داة وخايفة اخسرة والاول داة يلعب بيا قلولي اعمل اية ارضي بلي ربنا قسمهولي ولا ارجع لحبيبي الاول داة واجرح التاني اعمل اية
انا مش حقلك انتي لسه صغيرة على الكلام ده لانو الحب ملهوش عمر معين بس انتي لساتك في فترة مراهقة هو صحيح انك لما عرفتيه حسيتي معاه بشعور الحب بس هو لسه صغير ولسا قدمكم الطريق طويييييلة يعني متتسرعيش في اي حاجة حتطلعي للجاتمعة و تشوفي يااامه و هو كمان و و ربنا مكتبكم لبعض مهما اختلفتو حترجعو بس انتي يكون ايمانك بربك كبير و لا تنسي صلاتك
انتي اصلن صغيرة يعني انو انتي تحبي اوكي بس لزم تفكري بعمرك لان الي يحب بعمر 16 هذا مو حب حقيقي هذا تقلب بل مشاعر بيكون ناجم عن سن مراهقة الي انتي في حاليا والاحسن تهتمي بدرستك ولاتنشغلي بل امور هاذي لان انتي بعدك صغيرة وراح يجيك اكثر من واحد ولاتكوني اهم شي طايشة وتعملي شي تندمي علية لزم تكوني شخصية ولاتضعفي باي حالة لزم تكوني اكبر من كدة ونصيحة حاليا اهتمي بدراستك لان هية مستقبلك وخليك من الامور دي سلام

طيب انتي سيبتي الأول عشان غلط وحرام ورحتي لواحد تاني بدون خطوبة؟ ولا هو خطبك؟

أنا مش فاهم الوضع ايه

بس لو في خطوبة يبقى الخطوبة أقوى وطالما وافقتي وطالما هو بعد عنك ومش عايز يرجع يبقى خلاص هو حر

أما لو بعده ده كان مؤقت يبقى تستنيه لما يتخرج ويجهز ويخطبك

وكفاية تطمني عليه كل أسبوع مرة ولا كل شهر مرة بس، وميكونش بالتليفون والمكالمات لأن ده غلط جدا جدا جدا.

السلام عليكي اختي …اسمعي انتي مسلمه ,,هذا مشاعر المراهقه فقط …والشب اللي يطرق بيتكم هو اللي يستاهلك …والشب اللي حبك في الاول لو كان يحبك عن صح كان تقدم لك وخطبك من اهلك …بس الشباب عارفين اكثر من البنات انو هي سن مراهقه وبي العبو بعواطف البنات ….كما قلت لك اللي يطرق باب بيتكم …هو اللي يستاهلك ….اما حب المراهقه سرعان ما يزول وانت عرك صفير …يعني حمي عقلك مش مشاعرك 

بصى انا ادك وبقولك ان كل دا حب مراهقة طلعية من دماغك و قربى من ربنا وركزى ف المزاكرة و الحب و الارتباط هيجى بعدين و و بعدين انتى تكلماولا احب اعلق على حاجتين فى كلامك بصفه عامه

الحاجه الاولى فترة السن اللى انت فيها دى فيها تقلب عاطفى وعدم ثبات فى المشاعر
الحاجه الثانيه مدرستك مدمرتكيش ولاحاجه اى حد فى سنك بياخد راى حد اكبر منه بينصحه بالابتعاد خوفا عليه من الوقوع فى الخطأ..
اما رايى فى موضوعك انك تبعدى عن الاثنين وتحاولى تقيمى علاقتك وانه الاصلح ليكى واللى هتكونى سعيده معاه اختاريه
وبالنسبه للانسان المحترم التانى لو مش هتقدرى تكملى معاه افضل انك تبعدى عنه
وانك تجرحيه دلوقتى افضل متجرحيه بعدين . افضل ما تعيشى معاه جسم بلا عقل وبلاقلب

وفكرى كويس واستعينى بحد تثقى فيه وان شاء الله اللى يكون من نصيبك فيهم يتقدملك ى واحد ويسبيك تكلمى التانى لا خلاص سيبى دا كمان لانة حب مراهقة و البنت اهم حاجا اخلاقها وسمعتها

اولا واضح من كلامك انك صغيره (16) ليه بتستعجلي علي نصيبك؟
يا اخت الحب مش هديه واعجاب الحب اكبر من اللي انتي فيه ده
نصيحه دا مش حب دا مراهقه خصوصا انك 16 سنه وياما هتشوفي زيك حكيات كتير
ركزي في نفسك ومدرستهك وقربي من ربنا اوي والتزمي بالصلاه
وديمن استشيري اللي اكبر منك وتحسيه انك مرتحالو في الحديث

واوعي تجري ورا الحب والقصص اللي اغلبها بتنتهي بمصيبه سودا

أولا أنا بجد قرأت رسالتك وفهمت الحكايةوبجد أنا بقولك ربنا يقويكى بصى ياأختى …

دائما وبالذات فى الحب لا تجعلى من يحركك أنسانا لسببين وتصرفى أنتى حتى اذا كان تصرفك خاطئا لسببين ………..
الأول …..أن هذا الانسان لن يكون أحسن منكى فى شئ
والثانى ……..هو أن الطرف الأخر فى الحب أختاركى أنتى ولم يختر أحد أخر أى أقصد بصفاتكى بجمالك وبكل تصرفاتك فهو يحبك أنتى لشخصك

ده الجزء الأول .
أما ثانيافمعلش مينفعش تقولى لشاب تعالى واتقدم الا ما هو يقول. لسبب واحد قد لا تسمح ظروفه المادية بذلك خاصة وانه فى سن ال16 عاماأو حتى يتقدم للأهل. فقد يكون الشاب فعلا يحبك وعلى الرغم من ذلك قرر الأنسحاب لأنه أحس بالعجز وده كان عن الجزء التانى

لكن ثالثا فيما تفعلينه…….
فأنا فى رأيي ضعى كل حبكى فى بوطقة قلب الشاب المرتبط بك الأن ولا تحاولى تجرحينه أبدا ولو كنا خاطئين فى الماضى لتعلمنا من دروسنا فى الحاضر وعملنا بها
أما عن موقفك من الشاب الأخر أنسيه وبردوه لسبب واحد أن القلب ما ينفعش يتخط فيه اتنين .وبردوه عارف ردك اذا قلتيلى مش حينفع حقولك اكتفى بأن يكون زميل أو صاحب لك فقط تطمأنى عليه ويطمأن عليك لا أكثر وأنا صراحة أفضل فى رأيي أن تنهى علاقتكى بيه صدقينى ديه حتريحك مع حبيبك اللى معاكى دلوقتى وبكدة حتبتعدى عن الوقوع فى أى أخطاء ومع الوقت حبيبك اللى معاكى دلوقتى حيهون عليكى الوقت ويحبك أكتر ان شاء الله