عرفت واحد عن طريق النت وبفكر اقابله

عرفت واحد عن طريق النت وبفكر اقابله

أنا بنت عندي ١٨ سنة و عرفت واحد عن طريق الفيس بوك بالصدفة و كنا صحاب و بعدين قالي انو خاطب بس هما أهلوا اللي غصبوا عليه عشان كان يعرف بنات كتير أوي بس دلوقتي تاب و بطل و هو مش بيحبها و هو عنده ١٩ سنة و بعدين طلب أننا نتقابل و ان إحنا صحاب و كدا بس هو شايفني عسل و مؤدبة و كدة …و أنا صراحة أنشدتله أوي يا تري أوافق أني اقابله و إحنا بنكلم علي النت و الموبيل كتير أوي و مافيش بنا غير صداقة و أنا بفكر اقابله

مشاكل وحلول ذات صلة

لا حبيبتي اوعي تقابليه واضح انو بدو يتسلا
وبعدين بتقولي عرف بنات كتير قبلك سدئيني هاي النوعية من الشباب بكوني عارفين كل اساليب البنات وعافين كيف يتعاملو معهم لحتى يقنعوهم بالي بدهم ايا
فليش لحتى تعملي اشي وتندمي عليه بعدين
بعدين واللة الشب الي حاكي مع بنات كتير عمرو ما راخ يفكر يرتبط بوحدة منهم لانو متأكد متل ما حكت معي وقابلتي ممكن تكون حاكية مع كتير غيري
سدئيني البنت الرخيصة مزبوط بكون في بدهم اياها وبدهم يحكو معه بس بكون لغرض او مصلحة او لحتى يتسلو معها يصاحبوها يخرج معها وبعدين شو وحياااااتك بس يملو او يزهقو برموها زي الكلبة وبتكون بنظرهم ولا شي
اما الغالية سدئيني الكل بتمناها لانها غالية غالية كتييييير ومحافظة على حالها
وانتي ماشاللة عليكي جوهرة غالية فلا تسمحي لاحد بان يصطاده بسهولة

علي فكره علشان تبقي عارفه مفيش حاجه اسمها صداقه الولاد بيقولوا كده بس علشان زي ما بنقول ياكلوا عقل البنت ولو قابلتيه هيكمل معاكي فتره وشكرا

بصي أنا ممكن أقولك أخرجى معاه……..
مفيش مشاكل…..
بس فى ضوابط يعنى…….
أولا أذا الانسان ده نثق فى انه انسان محترم وكويس وعمره مايخون مهما حصل أنتى بتقولى أن عرفتيه عن طريق النت ،النت مش كل حاجة لكن ربما يكون ذلك
المهم ……..
هو فى نقطتين تخوف الاولى
انه بيقولك انه خاطب أفتكر يعنى يبقا من الادب أنه ميخرجش مع حد غير اللى بيحبها أو اللى خاطبها
النقظة التانية هو عرف بنات كتير أوى أخاف بردوه تكونى واحدة من الضحايا دوووووووول
وفى نقطة أهم وأهم
سؤال ليكى
أزاى تسمحى أنك تخرجى أو تتكلمى مع واحد خاطب أو تبدأى معاه بالسكة ديه بلاش أحسن
وكدة أنتى لما تخدى القرار ده حتكبري فى نظره وحتكبري فى عين نفسك

لالالالالا اوعى تقابلية كدابيييين اوى بتوع الفيس والنت دول على فكرة انا واحد منهم وضحكت على بنات وربنا يسامحنى بقى البنت بتكون شبة القرد واقولها قمر 14 وكمان محترمة وهية تبقى نيلة وابقى عاوز اقابلها عشان اتسلى اوى يا بنتى تعملى كدة ابد وحافظى على نفسك

أبوس راسك بلاش … كتير من البنات بدأوا كدة والشيطان ضحك عليهم وأقسملك بالله حكايتهم انتهت بإنهم زنوا مع الشباب دول … الشيطان شاطر .. بدأ بكلمتين حلوين بينك وبينه .. وبعدين زينه في نظرك وزينك في نظره .. وبعدين اتخدعتوا في بعض .. وبعدين حسيتوا بميل .. وبعدين عالاطول بتكلميه وبتضيعي وقتك وايه حالك مع صلوات ربنا وطاعته ؟؟
وبعدين لقاء .. وبعدين انتي مؤدبة أوي .. وبعدين ممكن اكلمك في الشارع .. وبعدين ايه رأيك نتقابل إلخ إلخ إلخ وصدقيني هتنتهي نهاية مؤلمة في الآخر

انا شاب يعتبر من سنك انا عندي 20 سنة و اعرف غالبا الشباب بيفكروا ازاي
قاعدة متحبيش حد من ع الفيس او النت عموما لازي تعرفي ان في فرق بين شخصية الكيبورد و الشخصية الاساسية
اعقلي متتسرعيش خلي كل حاجة تيجي في وقتها
الولاد بيدوروا ع البنات ع الفيس كتقضية وقت و تسلية و مستحيل شاب يفكر يرتبط ببنت اتعرف عليها ع الفيس
ولو روحتي قابلتيه افتكري كلمتي اول كلمة هيقولها ليكي ايه الجمال ده انتي طلعتي حلوة اوي
و لو ذكي شوية هيقولك يعني عسل و مؤدبة و حلوة كمان
اازي بتقولي انه بيقول عليكي انك ومؤدبه وعاوزه تقابليه !!! وكمان هو عرف بنات كتير قبلك ماهو ممكن يفتكرك زي أي بنت من اللي عرفهم ..مش كان يتعرف عليهم ويصاحبهم ويخرج معاهم كدا انت ايه الفرق اللي بينك وبين البنات التانية

ياختي الله يكرمك خلي بالك من نفسك ومتخليش فرحتك بالكلام الحلو توديكي طريق مش حلو وتخوني ثقة اهلك فيكي ولو حصل لقدر الله حاجه وحشه هتندمي وتلومي نفسك كتير
وبعدين زي ما اهله غصبوا عليه وخطبوله ممكن يغصبوا عليه ويجوزوه بردك
وواضح انه اهله ما بيثقوش فيه واي بنت بيعرفها بيفتكروا انها مش مؤدبه لانه اكيد احتاروا فيه من كتر البنات اللي عرفها
واذا كنتي دخلتي الموقع ده عشان تنشري مشكلتك اقري المشاكل اللي من النوع ده وكام وحده اتحطت في مشاكل بسبب موضوع النت ده وبنات اكبر منك
خلي بالك من نفسك ….
ارجوكي خلي بالك من نفسك …..

خلي بالك من نفسك وربنا يكرمك بابن الحلال اللي يحبك وتحبيه وتكونوا من نصيب سمعي بس كلامي بلاش علاقات من عالم النت اصلا