بحبه بس متضايقه علي علاقتنا
اتعرفت على شاب عنده 30 سنه ملتزم واهله ناس محترمه اللى شدينا لبعض اخلاقنا واتقدملى واتخطبنا بعد قصه طويله واحده واحده قلبى بقى يتخطفله حبيته حبيته من عقلى ومن قلبى ومن روحى فجاءه حسيت ان بقى ليا عيله وامان وضهر اتسند عليه وحبيت عيلته اوى وهو بيخاف عليا زى ما اكون حته منه وفرحان اوى بيا والناس بيحسدونى عليه لكن …. للاسف بقولها وانا عينى فى الارض مبقدرش اقوله لا بيجى ويطلب حاجات كتير تحت مصطلح الحب طبعا الا انه ميحافظش عليا زى مانا وانا مبقدرش ارفض وبعدها بيقعد يطبطب عليا ويعتذر وانا ببقى بعيط جدا بس فى نفس الوقت انا بحبه جدا وحاسه ان انا وهو مقصرين جدا بنصلى ونصوم لكن مش عارفه ايه اللى بيحصل ساعتها بنتفق نبطل وبنرجع تانى خايفه اووى من ربنا ميباركلناش فى بعض او يبقى غضبان علينا مش قادره استحمل الفكره دى او يعاقبنا فى صحتنا او سعادتنا بعد الجواز خايفه ومش عارفه اعمل ايه خصوصا ان اهلى متوفيين وانا عايشه مع جدتى واعمامى كلهم فى محافظه بعيده حاسه انه كل عيلتى وخايفه اوى
قوليلها طالما مش هتقدرو تبطلو الحاه دي يبقى يكتب كتابه عليكي دلوقتي
وبعدين يعمل الفرح براحته لما الظروف تتعدل معاكم بس لو قبل يبقى وقتها لو حصل بينكم حاجه يبقى بحدود يعني ف برضو خط احمر مايعديهوش لان لسه ليله الدخله ما اتعملتش
ولو مرضيش ورفض يبقى انتي قسي قلبك شويه ولو لقيتيه بيتقطع جنبك ارفضي انك تطاوعيه ف حاجه وقكريه ع طول بربنا قوليله ربنا شايفنا
وحاول لو قعدتي معاه ماتقفلوش باب الاوضه لو قعدو لوحدكم
حسسيه ان ف حد جنبكم وشايفكم اكيد هيخاف
بس لو رفض كل ده يبقى سيبيه عشانخاطر ربنا
وافتكري ان اللي بيسيب حاجه عشان ربنا ربنا بيعوضه ب احسن منها
حاولى على اقصى درجه متعمليش كده تانى وحاولى تحفظى على نفسك وخدى بالك واللى بقولهولك دا من شاب يعنى عارف معنى دا كويس لما يطلب منك حاجه تانى امتنعى وبشده وبعدين قوليله مينفعش لما ابقى حلالك اعمل اللى انت عايزه وعايزه ربنا يباركلى فيك وخليكى عند موقفك علشان هيعمل زعلان وبعدين هيكلمك وبعدين هيحاول يعمل كده تانى من باب انه يكسر نفسك علشان امتنعتى عنه فى الحاله دى لو قدرتى تفوتى عليه تانى مره دى هيعرف انه عرف يختار وحده بنت ناس وهتحافظ عليه وتصونه فى غيابه انما لو طوعتيه حياتك كلها هتتملى شك وادعى ربنا يقرب موعد الزواج وربنا يوفقك
خلاص هو خطيبك حبيبتي كل رجاله كدة هو يفكر انك صرتي حلاله وتعرفي الرجال ماعندوش صبر وتحمل اذا كنتي خايفة من الحرام وتخافي ترتكبي ذنوب وربنايغضب عليكم قوليله انو تتزوجو بأقرب وقت لان اذا الخطوبه طولت يحصل فيه مشاكل بعيد الشر عنكم انا عن رأيي تتحدثي معه وتاقشي بأسلوب مقنع وبهدوء وان شاءالله يتم زواجكم على خير وتعيشو بسعادة وبفرح
ياحببتي انتي تبطلي فورا اللي بيحصل ده خدي موقف وقوليله اني مش هعمل كدة عشان ربنا يصلح حالنا لو وافق وقدر يعينك على ده يبقى واحد صالح وربنا يوفقك معاه لو مقدرش يبقى ده تسبيه وافتكري من ترك شيئا لله عوضه الله خيرا منه
0 التعليقات:
أخبرنا بما تفكر فيه !