حب فاشل وحبيبتي كرهتي بسبب الكدب
أولا انا ا عندى 18 سنه من مصر القديمه سنه تالته ثانيا مشكلتى هيا ان انا لما كنت فى سنه اولى فى المدرسه ديه كنت بشوف بنت كل يوم وكنت معجب بشكلها وطريقه لبسها وطريقه مشيتها وضحكتها وحركات ايديها وكل حاجة فيها كانت عجبانى وكنت خايف اوى انى اكلمها وكل اما ابقى فى اصعب حالتى انى مش عارف اكلمها اقول انا انهارده هكلمها واول ماشوفها اخاف وامشى بعيد عنها وفضلت مستحمل سنيتن تانى لحد ماوصلت لسنه تالته وفى يوم من الايام لقيت ايميلها على الفيس كلمتها واتعرفت عليها بس مكنتش اعرف انها هيا اللى انا نفسى اكلمها ومره على مره عرفت انها هيا وحكت لها على الموضوع انى كنت بحبها من سنه اولى وكدا فى الاول رفضت بس لما عرفت انى دخلت المستشفى بسبب الموضوع دا قالت تجربنى وجربتنى وطلعت كويبس الحمد لله بس مشكلتى الوحيده (الكدب) وبعد فتره كبيره من تعرفنا وتقريبنا من بعض كلمت بنت تانيه عليها بس مكنتش هستمر معاها فى الكلام وقلت لها انى مش مرتبط وان انتى اول واحده فى حياتى دا اللى هيا البنت اللى كلمتها جديد وفجاه وانا بكلمها فى نفس المكالمه قالت لى فى حد عاوز يسلم عليك قلت ماشى طلعت اللى انا بحبها هيا اللى بتكلمنى طبعا قالت لى متكلمنيش تانى وكدا وانا ساعتها كنت بعيط فعلا عياط عياط لانى كنت عارف انى مش هلاقى بنت زى ديه تانى وبعدين عرفت ان هيا ارتبتط بحد تانى وكنت مضايق اوى اوى اوى بس بابين اودام صحابى ان انا مش فارق معايا بس لو حد حس باللى جوايا هيعرف انى بركان قايم جوايا بسبب انى بشوفها واقفه مع غيرى ولحد يومنا هذا لسه بتكلمو وانا نفسى ارجع للبنت اللى انا بحبها من كل قلبى ورحى وعمرى كلو ياريت ياجماعه حد يشوفلى حل فى الموضوع دا وانا مستعد اعمل اى حاجة عشان ارجعها ليا تانى شكرا
ولعلمك مش في حد مشكلتة الكدب
انت لما بتكدب بتبقى انت اللي عايز تكدب
ومشكلتك معلش يعني مش ليه حل زي ما انت خونتها في ثواني كدا
هي مستاحيل ترجعلك
انت كده مش غلط
انت كده خونتها
والخيانة مش سهلة
وده عقابك على اللي عملتة
بنات الناس مش حلاوة
عشان تحبها وبعدين تحب وحدها غيرها
بصراحه ومن غير زعل تستاهل لما انت مرتبط وبتحب وحده وهيه كويسه وواضح من كلامك انها بنت ناس ليه تفكر انك تخونها اللي انت عملته مش كدب انت خونتها واصعب حاجه ف الدنيا علي البنت او الولد الخيانه ياريت تراجع نفسك وبلاش تفكر فيها كتير عشان متتعبش اعصابك وحاول بقدر الامكان انك تنساها ولو ليكو نصيب ف يوم انكم ترجعو اكيد هترجعو
0 التعليقات:
أخبرنا بما تفكر فيه !