مش قادر انسى الحب الاول فى حياتى

انا شاب 28 سنه وكنت تقدمت لبنت جارتى فى السكن وخطبتها سنتان وكنا على وشك الزواج وكنت فى طريقى للتعاقد على الشقه وفجاه طلبت منى المبلغ المالى الموجود لشراء الشقه وطلبت ان نتزوج مع والدتها فى شقتها وتاخذ الفلوس لها وتقوم بتوضيب الشقه علما بان الشقه لا تريد توضيب ورفضت ذلك وكان هناك احاح شديد ولا اعرف لماذا؟ وبعد ذلك طلبت منى عدم التحدث معها فى التليفون اوى اى شئ من قبل ذلك حتى اقوم بشراء الشقه وتحضر لمشاهدتها ان كنات تصلح لها او لا واقسم بالله كانت معاملتى معاها فوق الاحترام ولا يوجد اى شئ تطلبه وكان مستحيل كان يتواجد فى الحال ولا اعرف لماذا فعلت هذا مع انى احبها حب اخلاص وحنان فوق الوصف لدرجه انى لازم اشوفها كل يوم واكلمها وبعد ذلك رفضت هذا الكلام وقلت لها اقفلى الوقتى لانك بتقولى كلام ما ينفعش يتقال واصرت على ذلك وانا رفضت ذلك وبعد مناوشات دامت 3 ايام فى النهايه العلاقه انتهت مع الاسف واخذت كل شئ الشبكه والهدايا وكل شئ غير ذلك وانا استعوضت ربى فى ذلك ولاكن مش عارف انساها حتى لما تزوجت وهيا تحضر لوالدتها واشوفها على وقت متقطع قولولى الحل ارجوكم انا مش عارف اختار الانسانه اللى هاتزوجها من تفكيرى فى الايام معاها ارجوكم انا بتعزب واهلى ما يعرفوش الكلام دا لانهم فاكرين انى مرتاح لما سيبتها ارجوكم الحل لانى فعلا مدمر
اللي يبيعك بيعه وهى خلاص سابتك واشترت غيرك وعايشه حياتها انت كمان لازم تعيش حياتك وحرام تضييع سنين عمرك في التفكير في واحدة مش نصيبك وبعدين قدر الله وماشاء فعل يمكن دة خير ليك ومحدش عارف الخير فين ومسيرك تقابل اللي تنسيك الدنيا ومافيها وتغير تفكيرك وحياتك بس نصيحة منى متقفلش علي نفسك الباب وادى فرصه لقلبك تانى عشان بجد حرام تظلمة

يا أخي القصة واضحة المرأة إدا أرادت ترك الرجل فعلت و هي أرادت الابتعاد
أنظر أمامك .أولا هي ليست لك الان وأنت ملك إمرأة أحسن منها .إبحت عن إمرأة أحسن منها وتزوجها .
أعط نفسك الحق في العتور على شريكة حياتك وقل في نفسك يجب أن تكون أحسن منها في كل شئ
الغلط عليها هي لأنها موضحتش سبب تغيرها معاك
بس انت كان لازم تضغط عليها عشان تعرف سبب تغيرها المفاجئ وتخليها تقنعك، يعني لو قالت سبب مش مقنع لازم تضغط عليها تاني.
لكن ما علينا انت بتقول هي اتجوزت خلاص، يعني الموضوع انتهى انتهاء شبه كامل
أنا متوقع إنها شافت اللي اتجوزته ده أحسن منك فعملت عليك الفيلم ده عشان تسيبك وتتجوزه، لكن ما علينا.
حاليا انت لازم ترجع لعقلك تاني وهتنساها لوحدك مع مرور الوقت بسهولة لأنها هي اللي تخلت عنك، واللي يتخلى ميستاهلش نفكر فيه.

الله أعلم بسبب تغيرها، يمكن يكون حاجة في مصلحتك أو حاجة ضرورية ملحة عندها.